19/02/2024
أجمل أماكن في القاهرة للفوتوسيشن

أجمل أماكن في القاهرة للفوتوسيشن أو التصوير بأفكار مختلفة وبأقل تكلفة والأماكن المجانية

تجميعة لأجمل الأماكن في القاهرة لعمل فوتوسيشن أو التقاط صور بأفكار مختلفة وبأقل تكلفة. كما توجد أماكن مجانية وأماكن بـ 25 جنيه فقط. والاهم انك بموبايلك تعرف تطلع صور حلوة اوي خصوصا ان السيشن مش مقتصر علي الجواز او الخطوبه. لا انت ممكن تعمل سيشن ذكريات ليك ولاصحابك او اسرتك، الموضوع بيبقي حلو اوي.


أجمل أماكن في القاهرة للفوتوسيشن في قلب النيل لوكيشن تصوير Stage ElNile

أجمل أماكن في القاهرة للفوتوسيشن

حجز اللوكيشن لفوتوسيشن الافراح ب ٥٠٠ جنيه “العريس & العروسة و المصور” طول ايام الاسبوع ما عدا “الخميس، الجمعة و الاحد” الحجز فيهم بيزيد ١٠٠ جنيه، و لو هتتصور بالموبايل السيشن ب ٥٠ جنيه.

و في كمان كافيه عالنيل تقدر تطلب منه اللي انت عايزه و اغلى مشروب عندهم ب٣٠ جنيه و بيسمحوا كمان انك تحيب معاك اكل من برة و دي ميزة مش هتلاقيها في اي مكان تاني.

رقمهم: 01016030207
العنوان: الدقي، كورنيش العجوزة، بجوار نادي اليخت .. المدخل عند ال U turn بالظبط.


أجمل أماكن في القاهرة للفوتوسيشن هابي لاند في شبرا Happy Land Location

دايما ((شبرا)) بتفاجئنا كل فترة بحاجة جديدة جامدة جداً. مش محتاج اكتر من (30 جنيه) كل اللي هتعمله انك تلبس اشيك طقم عندك و تروح تتصور مع صاحبك في اجدد لوكيشن تصوير عالنيل و انتوا الاتنين هتدفعوا 30 جنيه بس و تتصوروا بالموبايل هو يصورك و انت تصوره و تتصوروا انتوا الاتنين مع بعض سيلفي .. عيش عدد لا محدود من الصور في كل الكادرات.

اللوكيشن كله “عالنيل” و كمان في خلفية الصورة كوبري تحيا مصر (كوبري تحيا مصر العالمي اللي كان عليه احتفالات راس السنة) انت هتبقى تتصور في اقرب مكان للكوبري و شكله بيبقى روعة في الصور. الكادرات كلها لسة جديدة شكلها بالنهار حاجة و باليل مع الاضاءات حاجة تانية خالص و الاتنين احلى من بعض.

دا غير إن المكان كله زرع و اشجار و مفيش حاجة قصادك غير النيل و كوبري تحيا مصر يعني ناحية فيها النيل و الناحية التانية كلها جناين، من الاخر هتتصور اي صورة هتطلع جامدة جدا. في كمان في قعدة في الجنينة لو حبيت تكمل باقي اليوم قاعد قص النيل عالڤيو دا مع اسرتك او اصحابك وسط الزرع و الممرات اللي كلها زرع و ورد.

في كمان تراس Open air ممكن تحجز فيه حفلة عيد ميلاد و تطلب منهم تنسيق العيد ميلاد ، خطوبة ، كتب كتاب او اي مناسبة و الناس دي محترفين جدا في مجال تنظيم الحفلات ” Events planning “.

الحقو بقى عروض الخصم عالسيشن 50% بمناسبة الافتتاح:

سيشن الافراح: عريس & عروسة & دخول مصور & مساعد = ب 500 جنيه بدل 1000 جنيه .. و أي 2 مرافقين زيادة ب 50 جنيه. لو عايز تحجز سيشن و المصور من عندهم هتدفع 1300 جنيه و هما هيظبطوا كل حاجة و ينسقوا مع مصور محترف.

سيشن الكاجوال بعد الخصم ب 300 جنيه (لفردين أو اسرة اب و ام و الاطفال):
و لو عندك كاميرا “او هتأجرها من اي مكان” في الحالة دي بتدفع رسوم دخول كاميرا ٣٠٠ جنيه و كل فردين ب ٥٠ جنيه.

الاسعار دي كلها خاصة بعرض الافتتاح و مستمرة لاخر شهر مايو.

المواعيد: كل يوم من ١٢ الظهر ل ١٢ بالليل.
رقمهم: 01000227038
العنوان: كورنيش المظلات، حديقة هابي لاند، امام ابراج اغا خان، شبرا، اقرب محطة مترو المظلات.


أجمل أماكن في القاهرة للفوتوسيشن حديقة الأزهر Al Azhar Park

أجمل أماكن في القاهرة للفوتوسيشن

حديقة الازهر هي جنة في قلب القاهرة واول مكان يجمع بين القاهرة القديمة و القاهرة الحديثة، وستجد فيها الهدوء والهواء النقي والخضرة وجو جميل.

المواعيد من ٩ صباحاً حتى ١٠ مساءاً
سعر التذكرة ٢٥ للكبار و ١٥ للأطفال
دخول الكاميرا ٣٠٠
دخول العروسين ومصور ٦٠٠

نبذة عن الحديقة:

أحدث و أجمل حديقة في القاهرة .. مقامة على مساحة 74 فدان ، توجد بالقرب من قلعة صلاح الدين .. بحيث يمكنك رؤيتها وانت فى قلب الحديقة. وكذلك أيضا متوفر بها عدة مطاعم مثل مطعم القلعة ، و مطعم البحيرة مطعم القلعة مبني على الطراز المملوكي .. وهو في الجهة اليمنى من الحديقة أما مطعم البحيرة فهو في الجهة اليسرى .. و مقام وسط بحيرة صناعية رائعة . كما يوجد كذلك في الحديقة مـقهى تريانون .. وهـو عـلى هـضبـة مـرتفـعة .. تُعتبر أعـلى نقـطـة فيـها .. تتخللها نـافورات ومناظر صخرية غاية الروعة والجمال .

تم إنشاء حديقة الأزهر على مساحة 30 هكتار. كما تم تصميم المشروع كي يكون مساعد للتنميه الاقتصاديه، واصبح مثال يدرس للحلول المبدعه للعديد من التحديات التي تواجهها المدن التاريخيه، بما في ذلك التغلب على عنصر البيئه.

كما تعمل الحديقه كرئه خضراء نتيجه لمساحتها الضخمه، ووقوعها وسط منطقه تاريخيه. كان من الواضح ان القاهرة تحتاج لمساحات خضراء أكثر. و كذلك أيضا قد وجدت احدى الدراسات ان نسبة المساحات الخضراء بالنسبه لعدد السكان في القاهرة بالكاد تساوي حجم أثر القدم مساحه لكل مواطن، كواحدة من أقل النسب بالعالم. كما تعد الحديقه أكبر مساحة خضراء انشأت في القاهرة منذ قرن.

موقعها:

تقع على الجانب الغربي من الحديقه المدينه الفاطميه القديمه وامتدادها درب الأحمر، بثروتهما من المساجد، والأضرحه، ومزينه بخط طويل من المآذن، إلى الجنوب يقع مسجد السلطان حسن وما يحيطه، بالاضافه أيضا إلى قلعة صلاح الدين الأيوبي، كانت هذه المنطقه بالفعل في حاجه إلى مساحه خضراء مفتوحه.

إن التله المقام عليها الحديقه توفر منظر مرتفع للمدينه، كما تعطي مشهد بانورامي رائع ب 360 درجه للمناظر الجذابه من القاهرة التاريخيه. قبل بدء العمل، كانت الدراسه موقع كبير للقمامه. وكان أيضا على العاملون نزع تراكمات من القمامه والحجاره تراكمت على مدى 500 عام، بمواد تقدر بحمولة 80,000 عربه كومت في الموقع عبر القرون، وأثناء تهيئة الموقع تمت العديد من الاكتشافات الهائلة. كما تضمنت تلك الاكتشافات إكتشاف سور المدينه الايوبيه والذي يعود للقرن الثاني عشر في عهد صلاح الدين، بالاضافه إلى العديد من الاحجار الثمينه بكتابات هيروغلوفيه. تلك الاحجار الاقدم، والتي تصل أطوال بعضها إلى متر واحد، كما تم استخدامها في بناء سور صلاح الدين. ولكي يتم كشف السور الذي دفن عبر الزمن كان لابد من الحفر لعمق 15 متر، 1.5 كيلومتر من السور بأبراجه وشرفاته غير المأذيه، كما ظهرت بكل روعتها. وقد قام بتصمييها المهندس ماهر ستينو (مصرى) وقام بالتنفيذ شركات مصرية أيضا ويقوم بأدارتها كفاءات مصرية.


أجمل أماكن في القاهرة للفوتوسيشن فلورَندا – Flowrnda Nile

من أجمل اماكن التصوير عالنيل .. و اسعارها في الحنين. تعتبر اجدد و اكبر لوكيشن تصوير عالنيل .. كادرات جديدة و كلها افكار Creative و اكتر من 20 كادر في مكان واحد. ممكن تاخد صاحبك اللي بيعرف يصور بالموبايل كويس و هتطلع بشوية صور حلوة اوي زي صور الفنانين و المشاهير ب 50 جنيه للفرد.

روحوا و اتصوروا و احتفظوا بذكرياتكم الجميلة، 2 مخطوبين، سيشن فرح، عيد ميلاد، عيد جواز .. مستنين بيبي و عايزين تصوروا سيشن يتفرج عليها لما يكبر او اي مناسبه سعيدة. اي عريس و عروسة فرحهم قرب ..

و دي اسعار الـ Photo session

  • عريس و عروسة + فردين + دخول المصور = 500 جنيه
  • و اي فرد زيادة ب 50 جنيه
  • بالنسبة للسيشن الكاجوال .. الفرد ب 50 و دخول المصور ب 200 جنيه
  • و في باكدج ب 2000 جنيه شاملة العريس و العروسة + فردين + مصور من عندهم + تابلوه بصورة من اختيارهم هدية

رقمهم: 01030705948
العنوان: ڤيلا كامل انور منيل شيحه امتداد شارع البحر الاعظم “امام توكيل تويوتا” علي بعد كيلو من قصر محمد علي بمنيل شيحة و بعد محطه المنيب ب ١٠ دقايق.


أجمل أماكن في القاهرة للفوتوسيشن قصر البارون امبان في الميرغني بمصر الجديدة

أجمل أماكن في القاهرة للفوتوسيشن

يعد قصر البارون إمبان من أجمل التحف المعمارية في العصر الخديوي لمصر الحديثة التي تؤرخ لتاريخ مصر في بدايات القرن العشرين حيث جاء ضمن أولى المباني الفريدة في منطقة مصر الجديدة بالقاهرة واكتمل بناؤه عام 1911 ، حيث كان يمتلكه ثري بلجيكي محب للحضارات والسفر وهو البارون إدوارد إمبان كما أوضحنا معكم من قبل في موقع خمـس خطوات فقد استلهم تصميم بناء القصر من معبد أنكور واتفي في كمبوديا وعلى شكاله معابد أوريسا الهندوسية حيث صممه المعماري الفرنسي ألكساندر مارسيل وزخرفه جورج لويس كلود ، واختلف عدد من الأثريين حول لون القصر الخارجي ما بين اللون الأصفر الترابي المميز لتلك الفترة واللون الطوبي المحروق “الأرجواني” خاصة وأن جميع الصور والوثائق المتوفرة لا توضح اللون الخارجي بالتفصيل ولكن وزارة الآثار استقرت على اللون الطوبي الأرجواني.

أما عن تصميم قصر البارون من الداخل فعلى الرغم من حجمه الصغير نسبيا إلا أن تصميمه المعماري والغرف الداخلية من أروع ما تم بناؤه في تلك الفترة ، ويتكون من طابقين عبارة عن 7 حجرات فقط بجانب بدروم سرداب وجراج للخدم ، ولكل غرفة نوم حجرة حمام ملحق بها بجانب غرفة استقبال وضيافة وصالة بليارود وتم إعادة ترميم أرضية القصر المغطاة بالرخام وخشب الباركيه وتزيين الحوائط بعدد من اللوحات النادرة والوثائق المصرية وسيارة البارون وكذلك فتح سطح القصر ومشاهدة بانوراما رائعة لتلك الفترة الهامة.

أسعار زيارة قصر البارون 2021 بعد إعادة افتتاحه رسميا للمصريين والعرب والأجانب

  • سعر تذكرة دخول قصر البارون 20 جنيه للمصريين و10 جنيه للطلبة المصريين والأطفال مجانا.
  • بينما سعر تذكرة قصر البارون للسياح الأجانب والعرب 100 جنيه وتذكرة مخفضة للطلاب الأجانب ب 50 جنيه.
  • دخول كبار السن المصريون فوق سن الـ60 عاما مجانا بالرقم القومي.
  • كما توجد تذكرة موحدة منفصلة لزيارة بانوراما سطح القصر لمشاهدة مصر الجديدة من أعلى: بسعر 50 جنيهًا للأجانب، و20 جنيهًا للمصريين والأطفال مجانا مع العلم يسمح للأطفال بزيارة بانوراما القصر فقط بمرافقة ذويهم.

أسعار التصوير في قصر البارون بعد ترميمه 2021 وسعر دخول معدات الكاميرات والفوتوسيشن للمخطوبين

  • التصوير بكاميرا الموبايل مجانا لجميع الزائرين.
  • كما أن رسوم دخول الكاميرا الفوتوغرافية: 50 جنيها للمصريين والأجانب.
  • بينما رسوم رسوم حامل أو معدات إضافية للكاميرا: 20 جنيها للمصريين والأجانب.
  • رسوم جلسات التصوير أو فوتوسيشن الخطوبة والأفراح ب 800 جنيه للمصريين والأجانب.

أجمل أماكن في القاهرة للفوتوسيشن برادايس Paradise PhotoSession

ب 25 جنية بس هتتصور فى المكان ده، وكل اللى مطلوب منك تلبس كويس و تشوف صاحبك اللى معاه موبايل كاميرته نضيفة واطلع على هناك علطول. من الاخر كدة دا اقل سعر فوتوسيشن في مصر، يعني محدش ليه حجة بعد كدة يتصور صور اي كلام.

انت هتدخل تتصور في كل الكادرات دي بال 25 جنيه و تطلع بشوية صور حلوة اوي تفضل تغيير فيهم على بروفايلك سنة بحالها. و لو عايز تعمل فوتوسيشن لفرح اللوكيشن دا مش هيكلفك اكتر من 450 جنيه شاملة دخول العريس & العروسة + ( فردين فري ) + طبعا المصور .. انت بتتفق مع مصور تبعك او ممكن تطلب منهم يرشحولك اكتر من Photographer و تختار اللي شغله يعجبك.

عندك في اللوكيشن اكتر من 20 كادر حلوين اوي في التصوير، و المكان بالنهار حاجة و بالليل بيبقى حاجة تااانية خالص بالإضاءة. و لو حبيت تتصور سيشن كاجوال (ب200 جنيه) شاملة دخول فردين و مصور ، يعني اسعار في الحنين اوي و الكادرات هتساعدك تطلع بأفكار كتير حلوة اوي للصور. وممكن كمان تحجز لعيد ميلادك هناك او تعمل ميني كتب كتاب او ميني خطوبة بتبدأ باسعار بسيطة و تتصور في نفس المكان كمان.

المواعيد: من 1 الظهر ل 9 بالليل.
رقمهم: 01060313167
العنوان: الهرم، محطة مشعل، شارع ابو الهول السياحي، بعد الدائري قبل معسكر بني يوسف ب 500 متر.
اقرب محطة مترو الجيزة، بعد كده اركب حاجة لمشعل، و من هناك اركب عربية الزاوية.


أجمل أماكن في القاهرة للفوتوسيشن حديقة الاسرة اللي في الرحاب Family park

أجمل أماكن في القاهرة للفوتوسيشن

سعر الفوتوسيشن 1500غير محدد بوقت وشامل: 6 افراد و كاميرا واحده و الفرد الزياده بيدفع تكت.

مميزات حديقة الأسرة:

  • أكبر منطقة مساحات خضراء وألعاب تشعرك وكأنك في أوروبا، نظرا لروعة المكان.
  • المكان مميز جدا لالتقاط الصور الرائعة.
  • المكان به 3 ألعاب ثابتة، تحتوي على “المراجيح” وألعاب تسلق وأخرى تناسب جميع الأعمار من 3 حتى 16 عاما، إضافة لبعض الألعاب للكبار.
  • موعد إغلاق حديقة الحيوان 6 مساء، كما أن معرض أسلحة حرب أكتوبر، وعرض النافورة الراقصة أيام الجمعة والسبت فقط، ويوجد ملاهٍ في الحديقة بها ألعاب تناسب جميع الأعمار، لكنها لا تشمل تذكرة الدخول.

أسعار التذاكر والدخول:

  • الجمعة والسبت 60 جنيها، ولكن باقي أيام الأسبوع 50 جنيها.
  • بينما الأطفال أقل من 4 سنوات مجانا، أما من 4 سنوات فما فوق تذكرة كاملة.
  • كذلك أيضا متاح اصطحاب طعامك الخاص مقابل دفع 10 جنيهات إضافية.
  • كما أن التذكرة تشمل ( دخول الحديقة – حديقة الحيوان والسفاري– 3 مناطق ألعاب ثابتة للأطفال “المراجيح”، مع عرض النافورة الراقصة).
  • بينما المتحف له تذكرة دخول خاصة مقابل 30 جنيها.

أسعار الألعاب:

  • النهر السحري.. 50 جنيها.
  • سينما 3D والحوت والتنين والعربات المتصادمة.. 20 جنيها.
  • البطة والسامبا والحصان والقطار.. 15 جنيها.
  • أنشطة تعليمية مثل “ديسكفري” والحواس الخمس بـ 20 و15 جنيها.

المواعيد: يوميا من 9 صباحا إلى 11 مساء.
العنوان: (مدخل الرحاب 2 ) الكيلو 26 طريق القاهرة – السويس الصحراوي.


أجمل أماكن في القاهرة للفوتوسيشن لوكيشن تصوير في شبرا على النيل Nile Location

اللوكيشن في شبرا عالنيل جنب كوبري تحيا مصر. السيشن ب 50 جنيه و هتتصور كادرات كتير حلوة اوي. ولو صورك مش بتطلع حلوة دي مش مشكلتك .. كل اللي انت محتاجه ان يكون معاك ٥٠ جنيه و تلبس شيك و خلي حد من صحابك “يكون بيعرف يصور حلو بالموبايل” و بعد كده هتتصور في اللوكيشن دا عالنيل، وهتطلع بشوية صور حلوة اوي.

نايل لوكيشن هتلاقي فيه كدرات كتير عالنيل و احلى حاجة إن خلفية الصورة بيبقى ظاهر فيها كوبري “تحيا مصر” و المكان بالنهار بيبقى حلو اوي في التصوير و بالليل كمان الاضاءة فيه بتخليه حاجة تانية خالص.

الاسعار

ولو عندك كاميرا او حد من صحابك عنده كاميرا professional او حتى ممكن تأجرها من اي مكان و تبدع في التصوير في كل الكادرات، في الحالة دي هتدفع (150 جنيه رسوم دخول الكاميرا)
و طبعا بما إن الفترة دي بتبقى موسم افراح فا المكان دا ممتاز لسيشن تصوير الافراح هتلاقي كادر مكتوب عليه Mr & Mrs و كادرات متزينة بالورود و كادرات كبيرة مناسبة للصور العائلية.

ممكن بمكالمة تليفون تحجز السيشن بالمصور و كل حاجة، كل اللي هتعمله انك تروح تتصور يوم فرحك مع العروسة. و تلاقي كل حاجة جاهزة و متظبطة. دا بيكون ب 1000 جنيه شاملة (( دخول العريس و العروسة للوكيشن التصوير + تكلفة المصور + سي دي + البوم مطبوع 11 صورة + صورة الغلاف)) السعر دا عرض طول شهر 5 عشان العيد.

و دخول اي فرد زيادة ب 50 جنيه اي يوم في وسط الاسبوع، ولكن الخميس والجمعة ب 60 جنيه.
الفوتو سيشن لو فرح / خطوبة / كتب كتاب ب 700 “بدون مصور من عندهم” شامل دخول عريس و عروسة و المصور و المساعد. بينما سيشن الكاجوال 500 جنيه لفردين بالتصوير + سي دي مفيش رسوم دخول بوابة.

رقمهم: 01122029233
العنوان: دار ضباط النقل، كورنيش شبرا، امام قصر محمد علي، بعد كوبري المظلات.


أجمل أماكن في القاهرة للفوتوسيشن لوكيشن تصوير بورتريه Portrait

اللوكيشن في جزيرة وسط النيل في المعادي، و السيشن بالموبايل ب ٥٠ جنيه.

عارف اللوكيشن دا ناقصه ايه؟ انك تروح بس تقف تتصور في الكادرات الجميلة دي كلها. اللوكيشن عبارة عن ممر طويل في قلب النيل في جزيرة المعادي. بمعنى أصح .. دي قطعة من الجمال في قلب النيل على يمينك شجر، نخل و زرع و الناحية التانية فيها اشهر ابراج المعادي “شكلها بيبقى تحفة في التصوير”.

الكادرات مبهجة اوي و مناسبة لكل المناسبات السعيدة، سواء فرح، خطوبة. عيد جواز، سيشن الحمل “دي بتتصور مرة واحدة في العمر” و كمان أعياد الميلاد. الميزة في اللوكيشن إنه في جزيرة المعادي، و بما إنك هتقطع تكيت و انت داخل اعمل حسابك تقضي باقي اليوم في جزيرة المعادي و هتلاقي اماكن كتير مفتوحة تتصور في وسط المساحات الخضراء.

الاسعار

  • بالنسبة لتذكرة دخول جزيرة المعادي ب ٢٥ طول الاسبوع
  • ما عدا الخميس و الجمعة ب ٤٠ جنيه

اسعار السيشن:

  • بالموبايل ب 50 جنيه
  • سيشن كاجوال ب 500 جنيه
  • سيشن الافراح “عريس و عروسة” + رسوم دخول المصور و المساعد ب 1000 جنيه
  • لو عايز تحجز سيشن فرح و هما يوفرولك مصور محترف دا ب 1500 جنيه “شاملة فلوس ال Photographer” بس في الحالة دي لازم تحجز معاهم قبل المعاد اللى انت عايزه بأسبوع عالاقل

رقمهم: 01152070888
العنوان: جزيرة المعادي (هي نفسها علامة) على كورنيش المعادي أمام مستشفى المعادي العسكري.


مدينة كيدزانيا للاطفال KidZania Cairo

الصور ليست لشوارع إيطاليا أو باريس دى مدينة كيدزانيا للاطفال عادى يعنى KidZania Cairo
أجمل حاجة بقى ان الولاد بيلعبوا وانتو تاخدو نفسكو وتصوروا شوية صور جامدة جدا.

ممكن تتواصلوا معاهم لاننا عرفنا ان ممكن تعملوا فوتوسيشن فى المكان قبل مواعيد العمل الرسمية

التواصل معاهم عن طريق WhatsApp الواتساب: 01555557919
العنوان: التجمع الخامس, كايرو فيستيفال سيتى, المبنى الموجود أمام كايرو فيستيفال سيتى مول.


أجمل أماكن في القاهرة للفوتوسيشن شوارع وسط البلد

من اجمل اماكن الفوتوسشن أيضا شوارع منطقة وسط البلد. ويفضل يكون بدري قبل الزحمة ويكون يوم اجازة زي الجمعه مثلاً، فممكن تاخد شوية صور جميلة جدا هناك ومجانا كمان.


أجمل أماكن في القاهرة للفوتوسيشن مول Rafale Food Court

أجمل أماكن في القاهرة للفوتوسيشن

سبوت جديدة للخروجات في مصر الجديدة. المول ليس فقط الجزء اللي في المدخل لكن في جزء تاني ورا كبير اوي كله مطاعم وكافيهات كتييير متنوعة ايطالي، اسيوي، انترنتشونال. وكلهم فيهم قعدات indoor & outdoor و كل مكان منهم ليه ديكورات و روح مميزة تخليك نفسك كل يوم عايز تجرب مكان مختلف.

المول نفسه شيك اوي و فيه ممر شبه شوارع ايطاليا. كله شمسيات ملونة كل الناس بتحب تتصور اوي معاها. و طول ما انت ماشي بعد كده في المول هتلاقي كادرات حلوة اوي تتصور فيها ببلاش و قعدات حوالين النافورة و قعدات تانية عبارة عن مراجيح، القعدة عليها مسلية جدا.

و في كمان كيدز اريا و جيم، مستلزمات المنزل، واكسسوارات سيارات، العناية الشخصية، ملابس، لعب اطفال، موبيلات و اليكترونيات.

دي اسامي البرندات اللي هناك:

Caramelo – Del casa – La marina – Vine – Fairy land (kids area) – C omar – Los toros – hermanos – Food’s jar – Mokito – Second cup – Asian corner – Inferno – (chicken fila) – Homey – Haj arafa – Switch plus – Antaka

في كمان باركينج واسع تحت المول تركن فيه عربيتك براحتك، اول ساعة ب ١٠ جنيه و اي ساعة بعد كدة ب ٥ جنيه.

العنوان: ٢٢ شارع أحمد تيسير، أرض الجولف بجوار كلية البنات، مدينة نصر، القاهرة


اقرأ أيضا …

أفكار خروجات شتوية في مصر في الويك إند للاستمتاع بالتنزه في الشتاء
افضل 11 مطعم فى الاسكندرية لا تفوتكم، مطاعم شعبية، ومطاعم متوسطة الأسعار

admin

المشرف العام على موقع gaawy

View all posts by admin →