20/02/2024
كنافة بالقشطة محشية كريمة

كنافة بالقشطة محشية كريمة باستري وافكار جديدة لحشو الكنافة بالمانجو والفراولة

خطوة بخطوة طريقة عمل أحلى كنافة بالقشطة محشية كريمة باستري. وطريقة تحضير الحشو بالطعم المحبب لديك كالمانجو والفراولة. لكن قبل مانبدا لازم نعرف ان الكنافة نوعين فما الفرق بينهما ؟

النوع الاول : كنافة بورمة

هذا النوع من الكنافة بيكون لها عرق شوية لانها مصنوعة من دقيق قوي و بيكون عليها لبن ، والكنافة دي بنحتاجلها لما نيجي نعمل كنافة بتتلف او كنافة رول او تورتة كنافة او اقماع او اي اشكال كنافية لها عرق علشان لما نيجي نلفها بتمط معانا وتكون مرنة ولاتتقطع وتلف بسهولة .

النوع التاني : كنافة بصمة

هذا النوع من الكنافة مصنوع من دقيق ضعيف او متوسط حسب المصنع و لا يكون مضاف لها لبن ، وبذلك تكون غير مرنة وليس لها عرق بمعني انها تكون سهلة التقطيع ولا تمط واذا حاولت اشدها للف او لعمل رول تتهتك فهي غير مناسبة للف ولكن تكون مناسبة لانواع واشكال الكنافة التي نحتاج لتبصيمها اي تقطيعها .


نبدأ بحشوة الكنافة هستخدم كريمة باتيسيري بودرة

مكونات تحضير كريمة باسترى البودرة وافكار حلوة لتغيير حشوة الكريمة الي كريمة مانجة او فراولة او النكهة المفضلة لديكي :

  • 150 جم كريمة بودرة
  • 250 جم ماء أو لبن ( هنا نقدر نغير النكهة للكريمة مثلا لو عايزين الكنافة بحشوة المانجة 250 جم عصير مانجو لو بحشوة الفرولة يبقي 250 جم فراولة ، ممكن نستخدم 250 جم زبادي ودا بيدي الحشوة طعم مذاذة )

طريقة تحضير كريمة باسترى :

في اناء اضيف الكريمة البودرة واللبن واضرب خفيف هلاقيها ربطت معايا علي طول اخليها بس ماسكة شوية يعني تبقي كريمة شبه الشانتيه ماتكونش طرية .

الكريمة الباسترى ميزتها انها مش محتاجة تضرب كتير بتربط وتتكون بسرعة وكذلك نقدر نغير بيها طعم الحشوة زي ما قلت قبل كدا لو عايزة الكريمة محشية مانجة نضيف عصير مانجة بدل اللبن أو المية وومكن تبقي الحشوة بالفراولة او اي نكهة تحبيها ممكن مثلا تبقي الحشوة بقمر الدين وهكذا .


طريقة تحضير الكنافة واذا اردت استخدام الكنافة البورمة ماذا افعل تعالو نشوف :

لعمل صينية كنافة بالقشطة نحتاج كنافة بصمة و سمن ، نجيب الكنافة البصمة ونبصمها يعني نفطعها ، القطع تكون حوالي من 5 الي 6 سم حتي تمسك معي ، و نجيب صينية وندهنها بالسمن و نوزع الكنافة في الصينية ونضغط حني تمتلا الفراغات ثم نضع الحشوة ، ثم طبقة الكنافة التانية ، بعد ذلك نضيف السمن السايح حوالي 3 كبشة كبيرة وندخلها الفرن لمدة نصف ساعة حتي تتحمر وبعد ماتخرج نصفي السمن الزايد ونسقيها بالشربات .

ملحوظة (كنافة بالقشطة محشية كريمة) :

في ناس بتحط الكنافة في الفريذر علشان يبصموها ودا غلط لان عيب الفريزر انه بيخليها تتكسر وتبقي مفرفته ولو اتكسرت وفرفتت وفتفتت مش هتمسك معايا وهتفك واحنا عايزين الكنافة تكون ليها فتل تمسك معانا في الصينية .


طريقة تحضير الكنافة البورمة لتحويلها لكنافة بصمة :

لو مفيش كنافة بصمة (أو حبيت استخدم الكنافة البورمة) مش مشكلة نجيب كنافة بورمة ونحضرها لصينية الكنافة للحشو كالاتي

  • اجيب الكنافة البورمة المتوفرة عندي أدعكها كأنها فم غسيل ودا هيسلكها من بعضها ويخليها تفك
  • هبتدي ابصمها يعني همسك الكنافة وابتدي اقطعها من 5 الي 6 سم علشان عايزين الكنافة دي تتماسك علشان لما افردها في الصينية تمسك
  • ادهن الصينية بالسمن ثم ابتدي اوزع الكنافة بطريقة دائرية مع لف الصينية يعني ارش الكنافة والف الصينية وهكذا واكبسها بايدي واحط في الفراغات لو لقيت في منطقة كاشفة يعني الكنافة فيها قليلة برجع ازودها ودي اهم حاجة في الطبقة الاولي حتي تكون متساوية كدا انا حطيت الطبقة الاولي (وممكن استخدم صينية تانية في الضغط)
  • اضيف الحشوة في وسط الكنافة وابتعد عن الاطراف حتي لا تخرج الحشوة من الجوانب
  • اضيف الطبقة التانية من الكنافة ثم اديها من كبشتين الي 3 كبشات سمن سايح حسب حجم الصينية
  • ادخلها الفرن حوالي نصف ساعة حتي تتحمر ثم اصفي السمن الزايد
  • اسقي صينية الكنافة بالشربات البارد وهي ساخنة فور خروجها من الفرن والشربات المستخدم لصينية الكنافة المحشية قشدة كالاتي

مكونات الشربات المناسب لصينية كنافة بالقشطة محشية كريمة:

  • 3 كوب سكر
  • 3 كوب ماء
  • نصف ليمونة
  • كيس فانيليا

طريقة عمل الشربات لصينية كنافة بالقشطة محشية كريمة :

  • ضعي السكر والماء علي النار ، وقلبيه حتي يذوب السكر ويبدأ الغليان
  • اعصري نصف الليمونة واتركه يغلي لمدة 5 دقائق
  • ارفعيه من على النار
  • بعد أن يهدأ الشربات ويصبح دافئ اضيف الفانيليا وقلبيه جيدا
  • اترك الشربات يهدأ تماما قبل استخدامه.

وبالصحة والهنا ،،

اقرأ أيضا …

طريقة عمل بلح الشام بدون بيض لذيذ جدا ومقرمش بخطوات سهلة وبسيطة لازم تجربيه
الكشك وعيش السرايا والنجرسكو بطرق بسيطة وسريعة وعصرية لازم تجربيها

lora

كاتبة ومحررة أساسية في موقع gaawy

View all posts by lora →